mi-temps

Le dernier week-end, Robert et moi, nous sommes allés à Paris pour célébrer l'anniversaire de Robert. Nous avons fait toutes les 'choses touristiques'. Nous avons visité le Louvre, la Notre-Dame, l'île de la cité, la tour Eiffel et nous nous sommes promenés le long de l'avenue des Champs-Élysées jusqu'à l'Arc de Triomphe du Carrousel. Nous avons bu un excellent vin et, bien sûr, nous avons mangé des menus formidables...

uff, uf französisch gat das alles vil z langsam, ich het vilicht doch nöd sölle d Nina mir so vil im Französisch helfe la... :)

Suscht isch letscht Wuche relativ unspektakulär gsi. Am Mittwuch bin ich mit Kolleginne us go esse und nachher is Stadthus öpis go trinke. Die Studentinne da sind all extrem nett, und s isch immer chli öpis los. Ich weiss jetzt au wiso die immer usgönd, vill vo denne sind erscht 19... :)

Am Dunschtig han ich zu mim dütsche Mitarbeiter en Chueche go bache ga chöne. Ich ha ebe i minere Wohnig kein Bachofe, ha doch aber müäse en Geburtstagschueche mache! :) De han ich denn am Fritig unter de Arm klemt und bi innert 4 1/2 h am Namittag am 4i vo Amsterdam nach Paris gfahre. Det het mich de Robert erwartet, wo 2 h vor mir am 'gare de l'est' acho isch (ich selber bi am 'gare du nord' acho). Denn hemer oises Zimmer bezoge und sind natürlich us richtig französisch go esse. Ich muess sege am meischte han ich mich fascht über s französische Brot gfroit, ich glaub dass isch das womer immer rel. schnell vermisst wemer nöd s eigne het. 'Dezue' hets klassischi französischi Spise ge: Zwiblesuppe, 'filet faux', entrecôte... Zum Dessert hets denn zrug im Hotel de unterdesse dekorierti Chueche ge :)

Am nögschte Morge simer im Louvre go 'zmörgele' will mer nachdem mer de Plan vom Louvre ghollt hend mal zerscht hend müäse entscheide was mer alles i dere churze Zit go aluege gönd :) Mir hend ois für d 'Klassiker' entschide und hend d Franzose, d Italienner (drunter natürlich d Mona Lisa sowie d Venus vo Milo) und d Spannier agluegt. Nachher simer nomal fein französisch go esse und hend denn ebe d île de la cité bsuecht.

Znacht öpe am 10ni simer denn no uf de Eiffelturm ganz ufe und hend vo obe di belüchtet Stadt agluegt. Nachher simer no is Lipp (s Original :) ) go esse...

De Sunntig hemer hauptsächlich mit em entlanglaufe vo de Champs-Élysées, Käfele und Esse verbracht. Mir sind au no in 'Jardin du Luxembourg', de isch ebe grad bi oisem Hotel um de Egge gsi. Denn hemer leider scho wider hei müäse, demal isch am Robert sin Zug e Stund vor mim abgfahre.