Eine Woche später...

Nachere Wuche het mer sich da in Holland guet iglebt, und chunt meh oder weniger mit Holländisch au dur de eifach Alltag. D Lüt sind da sehr höflich, eigentlich so zimlich wie i de Schwiz. Won ich dihei no chli ausem Langenscheidt Holländisch glernt ha, hets extra en Abschnitt gha wie mer um öpis bitti. Det isch gstande, dass mer nöd eifach wie in Dütschland chön säge "ich nehm dann noch..." oder "ich krieg...", sondern mer sölli wörtlich "ich hätte gerne..." säge. Ich ha chli schmunzle müäse, will mir Schwizer das ja immer so mached, s aber im Langenscheidt extra erwähnt werde hät müäse dass mer so öpis als Bitt und nöd als Befehl formuliere söll. Uf jede Fall sind d Holländer vom Umgang her sehr ähnlich wie mir.

Unterdesse händ mir au Amsterdam bsuecht. Amsterdam isch sehr schön, obwohl mer säge muess, dass je witer weg vom Bahnhof und je witer weg vom Rotliecht-Milieu mer chunt, desto schönner wirds. Mir hend au Velos gmietet, um wie mer das so macht Amsterdam mit em Velo zerkunde. Vilicht wärs e gueti Idee gsi, zerscht nomal i de Schwiz chli Velofahre züäbe bevor mer sich mit em Velo id Grossstadt Amsterdam stürzt :) Wämer sich denn jedoch mal wider chli as Velofahre gwöhnt het isches es wahnsinnig agnehms Fortbewegigsmittel, vorallem da s praktisch überall eigni Velospure mit sogar Rotliecht nur für d Velofahrer git.


Leiden isch e sehr e grossi Stadt mit ca. 114'000 Iwohner. Mir hend scho e Bootsrundfahrt gmacht, und debi so einiges interessants über die Stadt erfahre. Leiden isch e bekannti Universitätsstadt wo 1575 vom Wilhelm von Oranien die erscht Universität vo de Republik vo de Niderlande gschenkt übercho het. Ich ha mal glese, dass de Wilhelm de Leidner für ire gross Isatz im 80 jährige Chrieg het danke welle, und ihne d Wahl ge het zwüsche Stürfreiheit und enere Universität. Offesichtlich händ sich d Leidner für d Universität entschide :) Zuedem isch de berüämti Maler Rembrandt van Rijn us Leiden und anschinend lit am Vincent van Gogh sini Mueter da uf em Fridhof begrabe.


Am Samschtig schint da in Leiden Markt z si. Natürlich het de grad erkundet werde müäse, demit mer di holländisch Kultur chli nöcher kenne lernt :) S het sehr vil Fisch-, Chäs-, Frücht- und Gmüäs-Ständ und novil me Lüt. Mer het s Gfühl ganz Leiden trifft sich am Samschtig uf dem Markt. Holland het sehr vil schöns a sich. So z.B., dass es mit em Aschluss as Meer sehr vili feini frischi Sache git, wo mer bi ois nur mit Vorsicht gnüsse cha. So z.B. de frischi Hering am Markt :) Ich ha mir vor gno jedes Wuchenend en noie Fisch "kennezlerne". Die Wuche bini leider no nöd dezue cho am Markt Fisch z chaufe, ha defür i de Restaurant scho Heilbutt, Plattfisch, Lachs und en Fisch gha won ich leide nöd weiss was es gsi isch, won aber eh nöd zellt, da er fritiert gsi isch :) De Plattfisch het eigentlich so zimlich wie oisi Süässwasserfisch gschmöckt, nur dass er über de ganz Teller glampet het :) De Heilbutt isch wahnsinnig zart und fin gsi, hets somit bis jetzt ad Spitze vo minere Fisch-Lischte gschafft, was aber au a de Zuebereitigsart vom Restaurant ligge chönt... :) De Chäs da hämer natürlich au scho probiere müäse. Er schmökt eigentlich recht ähnlich wie milde Schwizerchäs aber ehrlich gseit bin ich wohl di falsch zum Chäs beurteile, da ich mich praktisch nöd mit Chäs uskenn. Uf jede Fall schmöckt de Chäs da guet! :)


*************************************************************************

The first week is already over and I've gotten quite used to the Dutch way of living :) Robert and I have (involuntarily) done quite some traveling already. We arrived here last Saturday but were unable to pick up the keys to my apartment until Monday. We therefore visited Delft and Rotterdam, pictures of which you can see below. Delft is a lovely little city, famous for it's porcelain :) whereas Rotterdam is quite the opposite: a huge industrial city with the biggest harbor in Europe. They both are very pretty cities, definitely worth visiting, not only because of the very delicious sea-food :) This week I unpacked everything I brought for living here for the next 3 months (which wasn't exactly little) and bought the stuff I hadn't brought. We also visited Amsterdam, which is a very sweet city :) (yeah, Jonny, sweet :) ) I think in Amsterdam you can do and buy just about anything you can think of (inclusive diamonds, which they seem to be rather proud of, even though I have never heard of Amsterdam being a famous diamond city before I read their visitor's brochures :)). We did quite some sightseeing, visiting the Rijksmuseum, as well as exploring the city by bicycle and looking at old churches (the oldest of which was build in 1260). It takes the train a little more than half an hour to get to Amsterdam, so Amsterdam should be a nice weekend shopping destination :) In the pictures above you can see my neighborhood as well as me eating fresh herring at the local weekly market :)